د انتقال شرطونه او مسؤلیتونه

د هر جنس یا سند د رسېدو لپاره ټاکلی مهلت شته. تر رسېدو وروسته بستې تقسیموو او له مشتریانو سره تر اړیکې نیولو وروسته یې د ساحې له مخې سپارو. د ستونزمنو ولایتونو او مسیرونو د انتقال وروستي معلومات له اړوند مسؤل څخه ترلاسه کړئ.

جنس یا سند هغه وخت منو چې اخیستونکی یې معلوم وي. د بیل معلومات په دقیق ډول له مسؤل کارکوونکي سره شریک کړئ؛ د معلوماتو د دقت مسؤولیت د مشتری پر غاړه دی.

د کار د چټکتیا او د ستونزو د مخنیوي لپاره دوه فعالې د اړیکې شمېرې ورکړئ، څو په بیل کې ثبت شي.

د مخدره توکو، انفجاري موادو او نورو غیر قانوني توکو انتقال منع دی. زموږ کارکوونکي انتقالېدونکي اجناس او بیل ګوري. د داسې توکو د لېږد په صورت کې د اړوند دفتر مسؤل او مشتری دواړه مسؤل ګڼل کېږي.

طبیعي پېښې، ټکرونه، اورلګېدنې او تخنیکي ستونزې د توکو د تلف یا د رسېدو د ځنډ لامل کېدای شي. په دغو حالاتو کې شرکت د تلف مسؤلیت نه مني.

د خپلې بستې د تسلیم یا نه تسلیم کېدو په اړه له اخیستونکي څخه پوښتنه وکړئ. که ځواب ترلاسه نه شي، د ټاکلي مهلت له تېرېدو وروسته له اړوند مسؤل معلومات وغواړئ.

زموږ د دفتر، اړیکو او اړوندو برخو مسؤلین ستاسو تماسونو، واټس‌اپ پیغامونو او مخامخ لیدنو ته رسېدنه کوي او ستونزه حل یا د حل مرجع ته رسوي.

بیل له صدور وروسته د دوو میاشتو لپاره معتبر دی. خپل جنس یا پیسې په همدې موده کې ترلاسه کړئ؛ د دوو میاشتو له تېرېدو وروسته د جنس او پیسو غوښتنه نه منل کېږي.

که بیل ورک شي، راجستر شوي مشتریان د صدور له نېټې تر لسو ورځو پورې د برېښنايي تذکرې او دوو شاهدانو په ملتیا دفتر ته مراجعه کولای شي.

د عادي او بېړنیو انتقالاتو لپاره جلا نرخنامې لرو. بېړنی جنس یا سند د بېړني خدمت د نرخنامې له مخې لېږدوو؛ له سپارلو مخکې خپل ټاکلی خدمت او نرخ تایید کړئ.

که جنس د لومړۍ ډیلیوري پر مهال رد شي، د دوهم ځل ډیلیوري لپاره ۵۰ افغانۍ اضافي کرایه اخیستل کېږي.

مسترد شوي جنسونه دوهم مشتری ته د ۲۴ ساعتونو په موده کې لېږدوو.

که ستونزه د دفتر او د اړیکو د مسؤل له لارې حل نه شي، خپل شکایت او شواهد په واټس‌اپ کې له 0706519232 شمېرې سره شریک کړئ. د شکایتونو دا اړیکه د مرکزي دفتر له عمومي اړیکو او د کابل ښار د راټولولو له شمېرې جلا ده.